خبريں

سب جھوٹـ امر جلیل

آج ہم بات کریں گے ان عناصر کے بارے میں پاکستان اور ہندوستان کے درمیان ایک جیسے ہیں۔ ہم ان عناصر کے بارے میں بات نہیں کریں گے جو پاکستان اور ہندوستان کے درمیان کامن یعنی مشترکہ نہیں ہیں۔ مثلاً ہم دونوں ممالک میں رائج ریلوے نظام کے بارے میں بات نہیں کریں گے۔ کیونکہ اگر بات نکلے گی تو بہت دور تلک جائے گی۔ ہم دونوں ممالک کے تعلیمی نظام کا بھی موازنہ نہیں کریں گے۔ ہم دونوں ممالک میں سائنس Continue reading »

 نجم سیٹھی

پاک امریکہ تعلقات میں رخنہ پڑ چکا ہے اور امریکہ نے پاکستان کی فوجی امداد معطل کر دی ہے ، کیری لوگر برمان کے تحت ملنے والے سولین فنڈز اگر مکمل طور پر ختم نہیں کیے گئے تو منجمد ضرور ہیں۔ خود پسند پاکستانیوں نے سینہ تان کر دعویٰ کیا ہے کہ وہ گھاس کھا لیں گے ،اگر ضرورت پڑی، مگر اپنے وطن کی خود مختاری کا تحفظ کر یں گے۔ اُن کا دعویٰ ہے کہ جب ہمارے آزمودہ اور قابل اعتماد دوست موجود ہیں اور وہ ہمارے معاشی مسائل حل کر نے میں مدد دیں گے تو اس مونگ پھلی کے چھلکے یو ایس ایڈ کی کیا وقعت ہے۔
پچاس کی دھائی میں ہم نے امریکہ سے دوستی کی اور پھر ہم خوشی کے ساتھ سویت یونین کے خلاف جنگ میں امریکہ کے ساتھ ساتھ رہے اور اس حقیقت کو بھول گئے کہ وہ ہماری جنگ نہیں تھی۔ ایک مرتبہ پھر80 کی دھائی میں اور پھر2000 میں ہم نے اپنی خدمات افغانستان میں امریکہ کے سپرد کر دیں۔آج ہم جس بھیانک دہشت گردی کے گرداب کا شکار ہیں اُس کی وجہ ہمارا لالچ اور موقع پرستی ہے۔تاہم ایک بات سوچنے کی ہے کہ ہمیں امریکہ سے دشمنی کی ضرورت نہیں ہے کیونکہ ہم خود ہی اپنے بدترین دشمن ہیں۔ آج پہلے سے زیادہ لوگ ”گھاس “ کھار ہے ہیں۔ پانچ سال پہلے سطح ِ غربت سے نیچے27 فیصد پاکستانی زندگی گزار رہے تھے، آج ان کی تعداد 33 فیصد ہے اور اس بگڑتی ہوئی معاشی صورت ِ حال میں امریکہ کا کوئی کردار نہیں ہے۔ پانچ سال پہلے ہماری معاشی ترقی کی شرح 6.5 فیصد سالانہ تھی، آج 3 فیصد ہے، تجارتی خسارہ جی ڈی پی کا ساڑھے سات فیصد ہے جبکہ پانچ سال پہلے یہ ساڑھے چار فیصد تھا۔ اس تمام معاشی گراوٹ میں امریکہ کا کوئی عمل دخل نہیں ہے۔ ان پانچ سالوں میں ٹیکس کی شرح جی ڈی پی کے 11.5 فیصد سے گر کر8.7 فیصد تک آگئی ہے۔ اس میں امریکی ہاتھ تلاش کرنا بے سود ہے۔سیلاب مسلسل ہمارے در پے ہیں اور اس ملک کے لاکھوں افراد ان سے ہر سال متاثر ہوتے ہیں۔ اگر ہم اپنے آبی وسائل کا انتظام نہیں کرسکتے اور ان کو آفت میں تبدیل ہونے دیتے ہیں تو اس میں امریکہ کا کوئی قصور نہیں ہے۔
مذہبی انتہا پسند قتل و غارت پر تلے ہوئے ہیں۔ بے گناہوں کا قتل معمول کی بات ہے۔ لسانی تنظیمیں کراچی کے شہریوں کو گاجر مولی کی طرح کاٹ رہی ہیں۔ ان کے پیچھے کوئی امریکی ہاتھ نہیں ہے۔ برقی رو کی تعطلی نے کروڑوں افراد کی زندگی اجیرن بنا دی ہے جبکہ لاکھوں مزدوربے روزگار ہیں۔ اس میں کوئی امریکی سازش ملوث نہیں ہے۔ اپنے معاشرے میں پاکستانیت کی جڑیں مضبوط کرنے کی بجائے ہم اپنے آپ کو بڑے فخر سے پہلے مسلمان پھر سندھی، مہاجر، بلوچ، پختون، پنجابی، سرائیکی، کشمیری، سنی شیعہ، دیوبندی، بریلوی کہتے ہیں۔ قومیت کے قاتل ، اس بکھرے ہوئے ہجوم کی ذہنیت تراشنے میں کسی امریکی آلے کا عمل دخل نہیں ہے۔ ہم دنیا کی بدعنوان ترین قوموں میں شمار ہوتے ہیں۔ہم نے بلاوجہ بھارت کے ساتھ چار جنگیں لڑیں اور ان کے نتیجے میں آدھا ملک گنوا دیا۔ اس اندھی مہم جوئی کا مشورہ واشنگٹن سے نہیں آیا تھا۔ اگر ان خود ساختہ حماقتوں کی فہرست کم لگے تو دہرے منافقت بھرے رویے ہماری ناکامیوں کے پلڑے کو مزید جھکائے ہوئے ہیں۔ بلاشبہ امریکہ نے فاٹا میں مداخلت کا ارتکاب کرکے ہماری قومی خود مختاری کی خلاف ورزی کی ہے ، لیکن اس طرح تو افغان طالبان اور القاعدہ نے بھی ہماری علاقائی سرحدوں کے تقدس کو پامال کیا ہے اور اپنے محفوظ ٹھکانے بنائے ہیں۔ لیکن ہم امریکہ پر تو گرجتے ہیں (برسے بغیر ) مگر القاعدہ اور طالبان کے لیے ہمارے پاس تراشیدہ بہانہ ہے کہ وہ معصوم مہاجرین ہیں جن کو ہماری روایتی مہمان نوازی کی ضرورت ہے۔ یہ کہانی یہیں ختم نہیں ہوتی ہے۔ ہم آئی ایم ایف سے نفرت کرتے ہیں کیونکہ یہ مالیاتی ادارہ یہ گستاخانہ مطالبہ کرتا ہے کہ ہم صاحب ِ حیثیت افراد پرٹیکس لگائیں ، بدعنوانی کی مد میں دولت کے زیاں اور بجلی کی چوری کو روکیں اور اپنے پاؤں پھیلاتے وقت چادر دیکھ لیا کریں۔ امریکی امداد کی کیا ضرورت ہے۔ ہم نے کون سا ڈیم تعمیرکرنے ہیں یا اپنے قدرتی وسائل سے استفادہ کرنا ہے یا غریبوں کے لیے سکول یا ہسپتال بنانے ہیں۔ہمیں فخر ہے اپنے آزمودہ دوستوں پر اور اس سے کیا فرق پڑتا ہے کہ جب زلزلے اور سیلاب نے ہمیں برباد کرڈالا یا جب غیرملکی ادائیگیوں کے لیے ہمارے پاس زرِ مبادلہ کی کمی تھی توکوئی ہماری مدد کو نہ آیا۔ ذرا بتائیں تو سہی کہ کون اپنے وطن کے دفاع کے لیے گھاس کھاتا ہے ؟ کیا بڑے بڑے پیٹ والے مگرمچھ نما بزنس مین؟ کیا گالف سے شغل فرمانے والے جنرل ؟ کیا ڈیفنس کے پر تعیش بنگلوں میں رہنے والے اہل ثروت ؟ کیا غیر ملکی بنکوں میں سرمایہ رکھنے والے سیاست دان جن کے بچے یورپی ممالک کے اداروں میں تعلیم حاصل کرتے ہیں ؟یا بدعنوان سرکاری افسران ؟ بتائیں تو سہی ان میں سے گھاس کس کی خوراک ہے ؟کیا یہ اس بدقسمت ملک کے غریب عوام نہیں جنھیں اس سبزے کو اپنے سرخ خون میں اتارنا پڑے گا؟ کب تک ہم اپنی ناکامیاں گھر سے باہر تلاش کرتے رہیں گے؟ اب وقت آگیا ہے کہ ہم اپنے گھرکو درست کریں تاکہ امریکی امداد کی ذلت نہ اٹھانی پڑے ۔

بشکریہ روزنامہ جنگ

واشنگٹن (اے پی پی) امریکی سائنسدانوں نے دو سال سے کم عمر بچوں کے ٹی وی دیکھنے کو انکی ذہنی نشوونما کیلئے خطرناک قرار دے دیا۔ امریکی پیڈیاٹریشن گروپ کے مطابق والدین کو دو سال یا اس سے کم عمر بچوں کو مصروف رکھنے کیلئے ان کو وڈیوز یا ٹی وی دکھانے کے بجائے ان سے بات چیت کرنی چاہئے اور ان کو آزاد طریقے سے کھیلنے کودنے کی حوصلہ افزائی کرنی چاہئے۔ امریکن اکیڈمی آف پیڈیاٹریکس نے جدید مطالعے کے پیش نظر گائیڈ لائن جاری کی ہے جس میں کہا ہے کہ دو سال اور اس سے کم عمر بچوں کو ٹی وی ہرگز نہ دکھائیں۔ امریکن اکیڈمی آف پیڈیاٹریکس نے اسی قسم کی گائیڈ لائن 1999ء میں بھی جاری کی تھی تاہم اس مرتبہ گائیڈ لائن میں یہ بھی بتایا گیا ہے کہ والدین کی اپنی ٹی وی دیکھنے کی عادت اور اس دوران بچوں کو سامنے بٹھانے یا گود میں لئے رکھنے سے بچوں کی ذہنی نشوونما پر کسی قدر منفی اثرات مرتب ہوئے ہیں۔ ان کے مطابق اس قسم کے معمولات بچوں کی وقت پر بولنے کی صلاحیت کو کم کر دیتے ہیں۔ سروے کے دوران 90 فیصد والدین نے اعتراف کیا کہ ان کے دو سال سے کم عمر کے بچے الیکٹرانک میڈیا کو دیکھتے ہیں۔