اب سوال یہ ہے کہ اگر کسی گھر میں ایک فرد حکومت کو مطلوب ہے تو اس کے جرم میں پورے گھرانے کو سر کے سائے سے کیوں محروم کیا جارہا ہے ؟۔ ان دنوں ہم دیکھتے ہیں کہ پولیٹکل ایجنٹ خیبر ایجنسی روزانہ میڈیا کے سامنے بڑے فخر سے اعلان کرتے ہیں کہ آج ہم نے اتنے گھروں کو مسمار کردیا لیکن ان سے کوئی پوچھنے والا نہیں کہ گھروں کی مسماری سے عسکریت پسندوں کو کیا نقصان ہورہا ہے بلکہ جن کے گھر مسمار ہوجاتے ہیں انہیں پھر لامحالہ سرچھپانے اور بدلہ لینے کے لئے طالبان کی طرف جانا پڑتا ہے ۔ حکومت کے اس طرح کے اقدامات بھی طالبان کی قوت میں اضافے کے موجب بنے ہیں اور بن رہے ہیں۔اسی طرح ملک میں انصاف کی عدم موجودگی نے بھی عوام کو طالبان کی طرف مائل کیا ۔ سوات اور قبائلی علاقوں کے وہ عوام جو اپنے تنازعات کے تصفیے کے خاطر سالوں سے Continue reading »

اس خطے میں جاری عالمی اور علاقائی طاقتوں کی سٹریٹجک جنگ ہی سب سے بڑا عامل ہے ۔ اسٹیبلشمنٹ کے ڈبل گیم اور سازش کی تھیوری میں بھی وزن نظرآتا ہے لیکن اس حقیقت سے بھی انکار نہیں کیا جاسکتاہے کہ خود حکومت کی غلط پالیسیاں بھی قبائلی علاقوں اور صوبہ سرحد میں طالبان کی کامیابی اور حکومتی رٹ کے خاتمے کا موجب بن رہی ہیں ۔ بلاشبہ خوف اور دہشت بھی ایک بڑا عامل ہے لیکن اس سے بھی انکار نہیں کیا جاسکتا کہ حکومت کے مقابلے میں بعض حوالوں سے طالبان عوام کا دل جیتنے میں بھی کامیاب ہوجاتے ہیں وجہ صاف ظاہر ہے۔ ہماری حکومت اسی عطار (امریکہ) کے لونڈے سے دوا لیتی ہے جو بیماری کا سبب بنا ہے ۔ تاویلات اور حکومتی ترجمانوں کے بیانات اپنی جگہ لیکن قبائلی علاقہ جات اور سوات کی صورت حال سے باخبر ہر فرد اعتراف کرے گا کہ وہاں پر سیکورٹی فورسز کو شکست ہوئی اور سوات سے لے کر باجوڑ تک اور پھر وہاں سے لے کر جنوبی وزیرستان تک آج طالبان کی حکومت قائم ہے ۔اس شکست کی سب سے بڑی وجہ اس کے سوا کچھ نہیں کہ عوام ان سیکورٹی فورسز اور اس حکومت کو امریکہ کا اتحادی گردانتے ہیں اور قبائلی عوام سے یہ توقع کوئی احمق ہی کرسکتا ہے کہ وہ امریکہ کے اتحادیوں کا ساتھ دے دیں گے ۔ Continue reading »

قرون وسطیٰ میں سلطنت روما بازن طینی سلطنت کے نام سے جانی جاتی ہے۔ اس کا دارالحکومت قسطنطنیہ تھا جو ان دنوں استنبول کہلاتا ہے۔انیسویں صدی کا ایک برطانوی مورخ اس سلطنت کی نوعیت بیان کرتے ہوئے لکھتا ہے کہ یہ سلطنت مذہبی لیڈروں، خواجہ سراؤں اور عورتوں کی زہر آلود سازشوں کی یکساں کہانی اور خوفناک چالوں سے عبارت تھی۔ یوںبازن طین کی ترکیب وجود میں آئی جو سازشوں قتلوں اور غیر مستحکم سیاسی حالات کی ترجمان ہے۔
پاکستان میں اس وقت جوحالات ہیں اس سے ظاہر ہوتا ہے کہ یہ ملک بھی بازن طین ریاست کاصحیح معنوں میں نقشہ پیش کر رہا ہے۔1947میں اس کی آزادی سے اب تک درجنوں سیاسی قتل ہو چکے

Continue reading »

The article published in Daily Khabrain on 16th January 2009. Continue reading »