بھارتی ایجنسی ”را“پاکستان سے تین ہزار ایجنٹ بھرتی کرے گی

کراچی (رپورٹ، جاوید رشید)بھارتی خفیہ ایجنسی ”را“ عالمی خفیہ ایجنسیوں کے تعاون سے پاکستان سے 3 ہزارایجنٹ بھرتی کرے گی اور ان میں پشتون اور بلوچوں کواہمیت دی جائے گی۔ اس حوالے سے بھارتی خفیہ ایجنسی ”را“نے عالمی خفیہ ایجنسیوں کے اعلیٰ سینئر عہدیداروں کے ہمراہ کابل کا دورہ کیا۔ جس میں موساد کے عہدیداروں کو اپنا ممبر ظاہر کرکے را کے وفد میں کابل لایاگیا ہے۔ 80 رکنی اس اعلیٰ انٹیلی جنس گروپس کے ارکان 6 ہفتوں تک کابل میں رہیں گے جس میں فرانس، جرمنی، روس، ہالینڈ، کینیڈا، ترکی اوربھارت کے سینئرعہدیدار شامل ہیں۔ انٹیلی جنس وفد کے دورے کوان اینڈآوٴٹ ورک آف انٹیلی جنس اینٹی پاکستان کا نام دیا گیا ہے جس میں یہ امورطے ہوں گے کہ پاکستان کے افغانستان کے اندر پھیلے افغان انٹیلی جنس ورک کو کس طرح ختم کیا جاسکے۔یہ انٹیلی جنس سیٹ اپ امریکہ یا نیٹو افواج کے حساس مصنوعات کو محفوظ بنانے کیلئے کام کریگا۔

http://search.jang.com.pk/details.asp?nid=413324